Wat ons DOEN

Die aandagspan van die gemiddelde moderne gebruiker is net ’n paar sekondes. Dit beteken tyd is geld – nou, meer as ooit. Om te verseker dat jy die aandag van jou huidige en potensiële kliënte trek en behou, help ons jou om die beste kanale vir jou onderneming te indentifiseer en om slim te dink oor wat, hoe en wanneer jy kommunikeer.

• handelsmerkontwikkeling en -posisionering
• bemarking en kommunikasiebeplanning
• (sosiale)mediabeplanning en -bestuur
• marknavorsing en opnames

Mense lees nie meer soos voorheen nie. Hulle vluglees. Hoe kry ons hulle geïnteresseerd? Deur slim en oorspronklike inhoud wat mense bybly, in die taal van hulle keuse, saam met toepaslike en treffende visuele materiaal.

• inhoudskepping
• taalversorging
• vertaling
• proefleeswerk
• eenvoudige taal

Om te verseker dat jou handelsmerk raakgesien word, is dit belangrik dat jou bemarkingsmateriaal goed aangebied en verpak word. Mense gee aandag aan materiaal wat maklik navigeer en aantreklik lyk, met sterk beelde. Hulle hou van iets wat vinnig toegang gee tot die inligting wat hulle soek, in verteerbare happies. Ons laat ons kliënte goed lyk en klink.

• grafiese, kreatiewe en inligtingontwerp
• konsepontwikkeling en -implementering
• inligtingstrukturering
• vereenvoudigde inligting en infografika
• webbladontwikkeling en -bestuur

Ons help ondernemings en organisasies om duidelike, geteikende en treffende kommunikasie vir digitale en gedrukte formate te skep.

• brosjures en nuusbriewe
• toesprake en aanbiedings
• verslae en jaarverslae
• mediavrystellings
• kalenders
• infografika
• plasings op sosiale media
• webinhoud
• artikels en blogs
• teksontwikkeling en opleidingsmateriaal

Min dinge is so verrykend as om mense met nuwe vaardighede, insig, hulpmiddele en kennis toe te rus. Ons bemagtig kliënte se spanlede met opleiding in leierskap en spanvaardighede. Ons bied ook ander soorte opleiding wat bande bou en versterk: van wenke en hulpmiddele vir sosiale media tot gendersensitiwiteit en eenvoudige skryftaal.

• gefasiliteerde opleiding
• ervaringsleerwerksessies
• pasgemaakte kursusse
• aanvullende materiaal en hulpmiddele
• opvoedkundige en industriële teater

As dit oor hulle handelsmerk se beeld gaan, is professionaliteit vir mense belangrik. Hulle wil sien voordat hulle lees. Dis waarom jy ’n aantreklike beeld nodig het wat mense interesseer en vertroue inboesem. Ons maak seker dat jy nie misgekyk word nie.

• beeldbemarkingselemente
• aanbiedings
• korporatiewe identiteitsontwikkeling en skryfbehoeftepakkette
• fotografie en videografie
• korporatiewe geskenke